Ministria e Shëndetësisë konfirmoi sot 78 raste të reja me koronavirus. Nga këto rekord ditët e sotme mban qyteti i Shkodrës, ku janë shënuar 14 raste, duke kaluar Tiranën.
Rastet e sotme në Shkodër mësohet se janë të gjitha kontakte të të infektuarve të mëparshëm, shkruan abcnews.al.
Ndërkohë, në Krujë janë identifikuar 13 të prekur, Tirana ka 12 raste, 9 janë identifikuar në Pukë, 6 në Delvinë, nga 4 raste në Gjirokastër, Vlorë, Kukës, nga 2 raste në Kamëz, Durrës, Fier, dhe nga 1 rast përkatësisht në Kurbin, Korçë, Kavajë, Lushnje, Mirditë, Pogradec.
LEXO EDHE: Shënohen 78 raste të reja me koronavirus, si është harta e përhapjes
Ministria njofton se një pjesë e mirë e rasteve ditore lidhen me kontakte të rasteve të mëparshme pozitive, ndërkohë që vazhdon hetimi për raste të reja.
Lajmi i mirë është se në 24 orët e fundit janë shëruar 33 qytetarë, duke e çuar në 1250 numrin e të shëruarve që nga fillimi i epidemisë.
Shpërndarja gjeografike e rasteve aktive sipas qarqeve:
Tiranë 370
Durrës 176
Shkodër 153
Vlorë 79
Fier 41
Lezhë 26
Korçë 20
Kukës 12
Elbasan 9
Gjirokastër 6
Berat 2
/abcnews.al
