Gjykata e Lartë ka rrëzuar rekursin për ish-ministrin e Mjedisit Lefter Koka. Ish-ministri ndodhet në burg, pasi u arrestua për aferën e inceneratorëve.
Gjykata e Posaçme e Apelit vendosi ndaj tij “arrest me burg”, ndërsa Koka bëri rekurs në Gjykatën e Lartë për ndryshimin e kësaj mase sigurie, në datën 7 mars.
Ndërkohë, gjykata nuk ka pranuar kërkesën e tij, duke e konsideruar si të ligjshëm vendimin e Apelit të GJKKO.
Lexo edhe: Afera e inceneratorëve, SPAK: Ish-ministri Lefter Koka mori rreth 150 milion lekë
Në dhjetor të vitit të kaluar SPAK urdhëroi prangosjen ish-ministrit të Mjedisit, Lefter Koka për dosjen e shumëpërfolur, atë të inceneratorit në Elbasan.
Prokuroria e Posaçme akuzon ish ministrin e mjedisit për tre akuza. Ndaj tij rëndojnë akuzat e shpërdorimit të detyrës”, “pastrim të parave” dhe korrupsion”. Hetimet disa mujore zbuluan se Lefter Koka favorizoi pronarët dhe administratorët e kompanisë lidhur me koncesionin e inceneratorit të Elbasanit.
Sipas SPAK Koka akuzohet se ka përfituar rryshfet në vlerën e 3.7 milion eurove nëpërmjet kompanive fiktive të zotëruara nga familjarë dhe të njohur të tij. g.v/abcnews.al
