Loading ...
Trupi i pajetë i një tregtari është gjetur pranë biznesit të tij në rrugën Shkodër-Bushat. 42 vjeçari i ka dhënë fund jetës me fotoksinë, por mbetet i paqartë motivi.
Në Policinë e Shkodrës gjatë paradites mbërriti një telefonatë për një person të vdekur në aksin nacional Shkodër-Bushat. Menjëherë aty mbërritën efektivët e policisë.
Trupi i pajetë i Arben Shijakut u gjet buzë rrugës nacionale, pranë fshatit Melgushë. Pranë 42-vjeçarit policia gjeti edhe një çifte dhe fotoksinë. Helmimi me fotoksinë dyshohet se është bërë shkak për vdekjen e tij.
Pas kryerjes së veprimeve paraprake nuk u konstatuan shenja dhune apo dëmtime të tjera në trupin e tij. Shkaqet mbeten të paqarta.
Aktin tregtari e ka kryer pranë biznesit të tij që ndodhej afër rrugës dhe ka shfrytëzuar momenti kur nuk ndodheshin as punonjësit aty.
Policia po heton për motivin që e shtyu 42 vjeçarin drejt vetëflijimit./ABC News Albania
