Loading ...Në datë 15 qershor do të nisë transporti publik. Ministria e Infrastrukturës dhe Energjisë njofton se transporti publik do të rifillojë pas gati tre muajsh sipas rregullave anti-covid.
“Një lajm i mirë për qytetarët dhe sektorin e transportit publik.15 QERSHOR rifillon shërbimi i transport publik, duke ju përshtatur rregullave të reja, sipas protokollit të miratuar nga ISHP”, thuhet në njoftim.
Ministria thekson në njoftimin e saj se autobusët do jenë të mbushur në 70% të kapaciteteve të tyre, ndërkohë që të gjithë pasagjerët duhet të jenë me maska dhe të ruajnë distancë nga njëri-tjetri.
-70% kapaciteti i lejuar
-Të gjithë pasagjerët të pajisur me maska
-Ruajtja e distancës shumë e rëndësishme
Transporti publik u paralizua në datë 10 mars, një ditë pas shfaqjes së rastit të parë me koronavirus në Shqipëri./abcnews.al
