241 raste të reja me koronavirus! Humbin jetën 7 pacientë, mes tyre dhe një 34-vjeçar

schedule16:16 - 31 Tetor, 2020

schedule 16:16 - 31 Tetor, 2020

Shtatë të vdekur në 24 orët e fundit nga koronavirusi në Shqipëri. Ministria e Shëndetësisë, raporton se konkretisht kanë ndërruar jetë: një 34 vjeçar me sëmundje bashkëshoqëruese dhe 44 vjeçar pa sëmundje bashkëshoqëruese, 66 vjeçar nga Tirana, 48 vjeçar nga Pogradec, 68 vjeçar nga Korça, 68 vjeçar nga Elbasani, 81 vjeçar nga Fieri me sëmundje bashkëshoqëruese.

Ndërkohë janë konfirmuar 241 raste të reja me koronavirus nga 1260 testime të kryera në total. Shpërndarja gjeografike e rasteve të reja me Covid-19 është si vijon: 148 raste në Tiranë, 25 në Vlorë, 11 në Berat, nga 9 raste në Durrës, Lushnje, 8 në Fier, 5 në Shkodër, 4 në Mallakastër, nga 3 raste në Kurbin, Mirditë, Peqin, nga 2 raste në Kamëz, Gjirokastër, Kuçovë, nga 1 rast në Elbasan, Përmet, Sarandë, Delvinë, Tepelenë, Ura Vajgurore, Gramsh.

Betejën me koronavirusin e kanë fituar 92 qytetarë ndërsa numri i të shëruarve që prej fillimit të pandemisë ka shkuar në 11,189. Me plotësimin e kapaciteteve të dy spitaleve Covid, ditën e sotme është hapur edhe spitali Covid-3 në ambientet e ish-kurirgjive në QSUT. Aktualisht në tre spitalet Covid po trajtohen 319 pacientë, 16 në terapi intensive nga të cilët 7 pacientë janë të intubuar.

“Ministria e Shëndetësisë dhe Mbrojtjes Sociale ju bën thirrje qytetarëve të mos e ulin vigjilencën për zbatimin e masave antiCOVID, ruani distancën fizike me persona që nuk janë familjarët tuaj, kujdesuni për higjienën personale dhe mbani maskën në ambientet jashtë shtëpise. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19. Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19″, apelon MSH.

COVID-19 – Statistika (31 Tetor 2020)

Raste të reja ditore                   241

Të shëruar ne 24 orë                92

Të shtruar në spitale                319

Humbje jete në 24 orë               7

Testime ditore                          1260

Testime totale              125,220

Raste pozitive              20,875

Raste të shëruara         11,189

Raste Aktive                  9,177

Humbje jete                  509

Shpërndarja gjeografike e rasteve aktive sipas qarqeve:

Tiranë                  4650

Durrës                  851

Fier 706

Korçë                    566

Shkodër                524

Lezhë                     410

Elbasan                  396

Vlorë               384

Pesha 278

Kukës                      190

Gjirokastër           129

Dibër                 93

/mv.abcnews.al