Sherif Kallaku është padiskutim një nga lojtarët më të mirë në Superiore, edhe pse talenti i Teutës është në një moshë shumë të re. Mesfushori ka tërhequr vëmendje nga disa ekipe, por dëshira e tij mbetet të vazhdojë karrierën jashtë Shqipërisë, në një ndër kampionatet elitare.
Artan Shyti, i ftuar në emisionin Pressing, ka zbuluar se Kallaku do të largohet nga Teuta në janar, pasi do të transferohet te skuadra e Akhmat Grozny në Rusi. Kallaku po luan sezonin e tij të dytë si titullar absolut te Teuta dhe është shndërruar në një nga lojtarët më të rëndësishëm.
Tek Akhmat Grozny, Kallaku do të gjejë dy futbollistët e tjerë shqiptarë, Odise Roshi dhe Bernard Berisha. Kallaku është gjithashtu edhe kapiteni i Shpresave U-21./abcnews.al
