Dy fjalë dhe 7 minuta video, si Barcelona e “përcjell” legjendën Leo Messi

schedule21:33 - 5 Gusht, 2021

schedule 21:33 - 5 Gusht, 2021

“Faleminderit Leo”, vetëm kaq, te Barcelona për momentin nuk kanë fjalë. Legjenda e tyre, një prej lojtarëve më të mirë të gjitha kohërave, largohet pas 16 vitesh, me 6 “Topa të Artë” të fituar dhe me 35 trofe me fanellën e katalanasve.

Tituj pafund, plot 10, Superkupa të Spanjës 8, Kupa Mbreti 7, për të kaluar më pas në arenën ndërkombëtare me 4 Champions League, 3 Superkupa të Europës dhe 3 Kupa Bote për klube.

Golat dhe asistet me fanellën e Barcelonës i kalojnë 1000 së bashku, pasi ka shënuar 672 herë dhe ka asistuar 305 herë, në 778 ndeshje të luajtura.

Veç fjalëve në postimin e Barcelonës, ka edhe një video. Shtatë minuta, ku Messi dhuron magji. Ata që e kanë parë në fushë do të thotë që si ai nuk lind më.

Kësaj nuk i dihet, por ata që e kanë ndjekur janë dashuruar me gjithçka bën në fushën e blertë. Edhe ata që e kanë pasur si kundërshtar… Messi është nga ata që të imponon respekt! /abcnews.al