Deputeti i Partisë Demokratike, Ervin Salianji thotë se Partia Demokratike dhe opozita duhet të rikonceptohet.
Në emisionin “Real Story” në ABC News, Salianji u shpreh se opozita duhet të rimatet në vetvete dhe t’ia fillojë nga e para.
Sipas Salianjit, mund të veprohet si në Perëndim, ku një pjesë e partive kanë transformuar logon dhe vulën.
“Ne jemi në këtë diskutim, duke parë vjedhjen haptazi të vulës, padiskutim me ndihmën e qeverisë, që bën Lulzim Basha, duke parë pothuajse shkrirjen e opozitës, ne ishim të detyruar që të bënim një lëvizje që të jetë kompakte aty. Ajo që po propozoj unë, unë them të rimatemi, ta ribëjmë. Duam apo nuk duam ne, me vulë, unë nuk mendoj se opozita, PD dhe secili prej nesh ka një instrument se si ta mundi Edi Ramën në gjykatë. Praktikisht do ta marrë Basha. Pra, në këto kushte, nuk mund të bëjmë sikur, dhe duhet të transformohemi duke e shfrytëzuar këtë mundësi për të bërë një gjë të re, për ta bërë nga fillimi, sepse edhe logoja, edhe sigla, edhe një pjesë e partive perëndimore janë transformuar në Perëndim, ne duhet ta kapërcejmë këtë duke u hapur edhe drejt shoqërisë, dhe duke i dhënë një alternativë të re”, theksoi ai./abcnews.al
