“Dua të luaj për Koeman, shpejt do keni lajme”, Depay nuk fliste dot më troç se kaq

Më troç se kaq nuk mund ta thoshte. Memphis Depay doli të fliste për ndeshjen e nesërme të Holandës me Austrinë dhe mes pyetjeve, nuk mund të mungonte çështja e tratativave me Barcelonën. Holandezi nuk duron dhe e tregon qartë.

“Të gjithë e dinë se unë kam qenë në bisedime me Barcelonën prej kohësh dhe dua të luaj për Ronald Koeman. Prisni sepse lajmet do të vijnë. Të gjithë e dinë se jemi në bisedime dhe së shpejti do të kemi lajmë në këtë drejtim. Duhet të presim, por po ju them se së shpejti do ketë diçka përfundimtare”, u shpreh Depay.

Para pak ditësh në dyqanin online të Barcelonës figuronte edhe fanella e Depay. Mediet raportojnë se është mbyllur gjithçka dhe tashmë që e tregon edhe vetë Depay, nuk ka dyshime. Ai do firmosë për 3 vite me klubin e Laportas dhe do konkurrojë për një vend në majën e sulmit me Agueron dhe Griezmann. /abcnews.al