Dua Lipa është padyshim një ndër personazhet më të dashur me famë botërore. Vetëm pak vite në treg, artistja shqiptare ka arritur të jetë një nga emrat më të kërkuar të industrisë muzikore botërore. Pak ditë më parë, ylli i hitit “New Rules” solli versionin remix të albumit “Future Nostalgia”, për realizimin e të cilit mblodhi emra të njohur me famë botërore.
Ndërkohë, së fundmi Dua Lipa ka zbuluar se është përzgjedhur së bashku me 100 artistë të tjerë për t’u bërë pjesë e kolonës zanore të “FIFA 21”. Lajmin e ka bërë me dije përmes një postimi në rrjete sociale, ku shkruan se kënga “Love is religion” do të jetë pjesë e premierës botërore me datë 1 Tetor.
Kujtojmë gjithashtu se një tjetër bashkëpunim i këngëtares shqiptare është konfirmuar. Bëhet fjalë për një duet me amerikanen Miley Curus, dhe projekti do të jetë pjesë e albumit të ri të kësaj të fundit. xh.d/abcnews.al
