Viti që lamë pas ka qenë mjaft i suksesshëm për Dua Lipën. Këngëtarja shqiptare po korr një sukses të jashtëzakonshëm, dhe kjo falë punës së saj të palodhur.Pasi u vlerësua si artistja femër më e dëgjuar në Spotify, Dua ka shënuar një tjetër sukses.
Së fundmi, ylli i hitit “Levitating” ka bërë me dije se është renditur në vendin e dytë si artistja më e dëgjuar në botë në këtë platformë. Për më tepër, dhe albumi i saj “Future Nostalgia”, i publikuar në Mars të vitit të shkuar, ka marrë një tjetër vlerësim.
Dua ka bërë me dije se kjo është java e dytë që albumi qëndron në vendin e parë për ‘Top Global Albums’ në Spotify. Kujtojmë që projekti më i fundit i artistes shqiptare mban titullin “We’re Good” publikuar dy javë më parë, dhe deri më tani ka gjeneruar miliona klikime në Youtube. /abcnews.al
