Dua Lipa i është bashkuar thirrjeve për marshim para Konsullatës së Përgjithshme të Serbisë në New York. Përmes një postimi në rrjete sociale, këngëtarja me origjinë shqiptare apeloi për pjesëmarrje në nismën #RallyForHerJustice, për të kërkuar drejtësi për ata që janë dhunuar gjatë luftës në Kosovë.
Iniciativa është ndërmarrë nga deputetja Vafsije Krasniqi Goodman, dhe vetë viktimë e kësaj dhune, e cila prej vitesh është bërë zëri i grave që janë përballur me këtë situatë gjatë luftës. “Bashkojuni Vasfije Krasniqi-Goodman, në #RallyForHerJustice më 28 tetor në New York.
Vasfije është një e mbijetuar dhe aktiviste e të drejtave të njeriut që e ka për mision mbrojtjen e të mbijetuarve në Kosovë dhe në botë duke kërkuar drejtësi për krimet e pandëshkuara gjatë luftës në Kosovë”, ka shkruar Dua në postimin e saj. /abcnews.al
