Loading ...
Dua Lipa dhe Callum Turner kanë kurorëzuar zyrtarisht dashurinë e tyre. Këngëtarja me famë botërore dhe aktori britanik u martuan në një ceremoni private të zhvilluar në Bashkinë e Old Marylebone në Londër, në prani të familjarëve dhe miqve më të afërt.
Artistja shqiptare tërhoqi vëmendjen me paraqitjen e saj elegante, e veshur me një fustan të bardhë, doreza dhe një kapelë klasike, ndërsa Callum Turner u shfaq me një kostum elegant dhe kravatë në nuanca blu të errët.
Ceremonia civile ishte e thjeshtë dhe diskrete, duke i bërë çiftin ligjërisht bashkëshortë përpara organizimit të festimeve të mëdha.
Sipas raportimeve, festimet e dasmës do të zhvillohen në Palermo të Siçilisë dhe do të zgjasin për disa ditë, duke mbledhur pranë çiftit familjarë, miq dhe të ftuar të veçantë.
