Dua Lipa po korr çdo ditë e më shumë suksese në fushën profesionale. Këngëtarja shqiptare me famë botërore është bërë së fundmi artistja e vetme që ka dy albume brenda listës së 10 albumeve më të dëgjuar në historinë e Spotify. Lajmin e ka bërë me dije vetë Dua teksa ka ripostuar njoftimin e një prej faqeve të fansave të saj.
“Dua Lipa është artistja e vetme që ka 2 albume brenda “Top 10” albumeve më të transmetuara në historinë e Spotify”, thuhet në postim. Ky vit ka qenë mjaft i suksesshëm për divën e muzikës dhe kjo është reflektuar dhe në pasurinë e saj, pasi siç raportoi The Sun, ajo e dyfishoi pasurinë e saj në 62 milionë dollarë.
Së fundmi, ajo është bërë bashkë dhe me markën Puma për koleksionin e ri, të quajtur në shqip Flutur. /abcnews.al
