Loading ...Policia e Elbasanit finalizoi pas disa javësh hetime operacionin “Jug & Veri”, duke arrestuar tre persona të moshave 31, 29 dhe 35 vjeç, të dyshuar për sigurim, transport dhe trafikim kanabisi nga veriu në jug të vendit, si dhe jashtë Shqipërisë.
Gjatë ndërhyrjes në unazën e qytetit, njëri prej tyre kundërshtoi efektivët dhe dëmtoi një mjet policie në tentativë për t’u larguar. Nga kontrollet u sekuestruan 41 kg Cannabis Sativa që dyshohet se po transportohej drejt PKK Qafë Thanë, një armë zjarri kallashnikov me 32 fishekë, dy automjete dhe dy celularë.
