Droga me vlerë 800 mijë euro/ Njëri nga të arrestuarit, me precedentë penalë. I dënuar për pengmarrje, dhunë dhe kanosje

Kujtim Metaj, 37 vjeçari që u arrestua në kuadër të operacionit antidrogë të koduar “Vortex” në Vlorë, nuk është një emër i panjohur për policinë.

Mësohet se ai rezulton me precedentë penalë për heqje të paligjshme të lirisë për një ngjarje të ndodhur në vitin 2013.

Metaj është arrestuar gjithashtu edhe për dhunë në familje dhe kanosje në vitet 2020 dhe 2021.

Nga operacioni u sekuestruan kokainë dhe heroinë me vlerë 810 mijë euro./abcnews.al