Drita ngec në “shtëpi” ndaj Malishevës në takimin e javës së 18-të të Superligës së Kosovës, që u mbyll me rezultatin 1-2, me vendasit që tashmë renditen në vend të dytë me 31 pikë, teksa Malisheva renditet në vend të katërt me 29 pikë.
Ishin vendasit ata që zhbllokuan takimin me Krasniqin në minutën e 5’-të, megjithatë miqtë barazuan në minutën e 17’-të me Hazrollaj, ndërsa në minutën e 45’-të Aliu përmbysi rezultatin dhe shënoi golin e fitores për Malishevën.
Ndërkaq, sfida Fushë Kosova-Feronikeli mbyllet me rezultatin 0-1, teksa u deshën vetëm nëntë minuta që Musa të zhbllokonte takimin, por njëkohësisht t’u jepte dhe fitoren miqve, duke e ngjitur Feronikelin në kuotën e 21 pikëve, në vendin e 7-të të renditjes, ndërsa Fushë Kosova renditet në vendin e 9-të me 10 pikë. /i.m /abcnews.al
