Shifrat e të vdekurve dhe të prekurve nga koronavirusi janë tepër shqetësuese në rajon.
Shqipëria, Greqia dhe Kosova janë duke u përballur me një valë të dytë të pandemisë, e cila po shkakton një numër të madh të vdekurish.
Një ditë më parë, në Shqipëri ndërruan jetë 8 persona, ndërsa u shënuan 563 raste të reja, raporton abcnews.al.
Ndërkohë, mediat greke raportojnë mëngjesin e sotëm se gjatë orëve të fundit në këtë vend kanë ndërruar jetë 19 persona, të gjithë ata mbi 70 vjeç.
Situata është tepër shqetësuese në Selanik, ku sipas mediave greke,. 3 në 10 tamponë dalin pozitivë me koronavirus.
Greqia vendosi një javë më parë që të mbyllë qarkullimin plotësisht në qytetet më të prekura, si edhe nga ora 22:00 deri në 06:00 në pjesën tjetër të territorit, ndërsa maskat janë të detyrueshme kudo. /abcnews.al
