Loading ...
Gjatë një interviste për katalanasen Sport, Luis Suarez është ndalur edhe te Lautaro Martinez, objektivi i madh i Barcelonës në merkato. Argjentinasi shihet si pasardhësi i uruguainit (mbush 34 vjeç janarin e ardhshëm), i cili, njësoj si Leo Messi, thur elozhe për 22-vjeçarin zikaltër.
“Lautaro është një futbollist madhështor dhe po luan në nivel të lartë me Interin. Nuk është e thjeshtë të kalosh nga Argjentina në Itali dhe të demonstrosh gjithçka që ka treguar ai, veçanërisht në një futboll të komplikuar si ai italian.
Është një lojtar i ri në moshë, do ta ndihmojmë të ambientohet me Barcelonën nëse bashkohet me ne. Do të përpiqemi ta ndihmojmë në mënyrë që të jetë i qetë dhe vetvetja“, thekson Luis Suarez. /abcnews.al
