Pedagogët e universiteteve publike në vend janë sot në ditën e dytë të bojkotit, në fillimin e këtij viti akademik që ka nisur me paqartësi të shumta. Në ditën e parë të universititetit, pjesa më e madhe e pedagogëve bojkotuan mësimin, një pjesë në orarin 10:00-12:00, duke mos u tërhequr nga kërkesa e tyre për rritjen e pagës.
Lexo edhe: Viti i ri akademik nis me protesta, pedagogët kërkojnë rritje page, studentët të paqartë
E njëjta situatë vijon edhe këtë të martë, teksa kryeministri Edi Rama ka mbledhur në një takim rektorët e universiteteve publike dhe jopublike në vend.
Në fakultetein e Shkencave të Natyrës nuk është zhvilluar mësim, ndërsa të pranishëm kanë qenë vetëm student të viteve të para. Gazetarja Gerta Vasku bën me dije për Abcnews.al se e njëjta situatë ëhstë edhe në Universitetin Politeknik, ndërsa pedagogët nuk janë paraqitur në auditore.
Edhe në Universitetin e Shkodrës sot nuk është zhvilluar mësim. Shefi i Departamentit të Infiermierisë, Emiljano Pjetri ka thënë se auditorët janë bosh, pasi studentët janë solidarizuar me mësimdhënësit e tyre, kërkesat e të cilëve janë të drejta.
Në Universitetin “Aleksandër Moisiu” në Durrës një pjesë e pedagogëve kanë bojkotuar, ndërsa në Universitetin “Fan Noli” në Korçë 70% e pedagogëve kanë nënshkruar peticionin për kërkesat, por bojkoti është bërë nga një pakicë. Nga 140 pedagogë, janë bërë rreth 20 që kanë bojkotuar mësimin/abcnews.al/
