Një apartament në katin e tretë të një pallati në Shkodër është përfshirë nga flakët , e për pasojë ka mbetur e lënduar një e moshuar 49 vjeç me iniciale Ll.V, e cila për shkak të djegieve që ka marrë është transportuar në Spitalin e Traumës Tiranë për mjekim më të specializuar.
Ngjarja ka ndodhur gjatë natës në lagjen “Ndoc Mazi”.
Abcnews.al mëson se e moshuara është në gjendje të rëndë.
E moshuara kishte mbetur e bllokuar për rreth një orë në ballkonin e apartamentit, si pasojë e flakëve të zjarrit.
Pas një ore luftë me flakët, e moshuara u nxor nga shërbimi zjarrfikës dhe banorët e pallatit e u transportua më pas në spital.
Zjarri në banesë dyshohet se është shkaktuar nga një shkëndije elektrike
Njoftimi i policisë
Shkodër/Informacion paraprak
Gjatë natës, në lagjen “Ndoc Mazi”, ka rënë zjarr në banesën e shtetases Ll. V., 79 vjeçe, në katin e tretë të një pallati.
E moshuara ka mbetur e bllokuar për rreth 1 orë në ballkonin e pallatit.
Nga shërbimet e Policisë, në bashkëpunim me shërbimet zjarrfikëse, u bë e mundur nxjerrja nga ballkoni e 79-vjeçares, e cila u dërgua për mjekim më të specializuar në Spitalin e Traumës Tiranë.
Grupi hetimor po punon për sqarimin e rrethanave të rënies së zjarrit.
/abcnews.al/
