Sot hapet procesi i regjistrimit të diasporës, për të votuar në zgjedhjet parlamentare të 11 majit. Për herë të parë në këto zgjedhje emigrantët do të kenë mundësinë të votojnë nga shteti ku punojnë dhe jetojnë. Regjistrimi i emigranteve nis sot dhe do te mbyllet në datën 4 mars.
Në një komunikim me gazetarët, kreu i KQZ Ilirjan Celibashi ka shpjeguar sërish drejtpërdrejtë edhe procesin e votimit. AI gjithashtu theksoi se janë paraqitur deri tani rreth 400 kërkesa. Nga shifrat, ka kryesuar Italia me 97 kërkesa, e ndjekur nga Gjermania me 81 kërkesa…
“Faqen e internetit të KQZ mund ta aksesojnë si nga kompjuterë dhe nga telefonat. Çdo votues nga jashtë shkon tek faqja e KQZ dhe është rubrika votues nga jashtë, në aplikacionin “PER”. Votuesi nga jashtë mund të realizojë procesin e aplikimit, aty ka një buton ndihmë që i jep mundësi votuesit edhe duke pyetur direkt, apo të telefonojë një operator të KQZ, të komunikojë nëpërmjet watssap apo të dërgojë email, KQZ. Nga dje deri sot janë 397 kërkesa të paraqitura, 97 nga Italia, 81 nga Gjermania, 51 nga Britania, 23 nga SHBA, 18 nga Suedia, 14 kërkesa nga Franca, 11 kërkesa nga Austria, 9 nga holanda, 8 nga Zvicra, 5 nga Spanja, 3 nga Malta, 2 nga Australia, 36 nga Greqia, 10 nga Kanadaja, 6 nga Belgjika, 5 nga Finlanda, 4 nga Norvegjia, 2 nga Rumania, 2 nga Danimarka, 2 nga Irlanda, 1 nga Luksemburgu, 1 nga Hungaria, 1 nga Zambia, 1 nga Rusia, 1 nga Sllovakia, 1 nga Katari, 1 nga Qipro, 1 nga Emiratet e Bashkuara Arabe, ”, tha ai.
