Në ditën, ku Rusia shndërrohet në qendër të botës me inagurimin e botërorit të futbollit, kthehet në liri Alexei Navalni. Opozitari kryesor i presidentit Vladimir Putin ishte dënuar me 30 ditë heqje lirie pasi organizoi manifestime kundër Kremlinit në të gjithë vendin në muajin Maj.
Qindra mijëra persona morën pjesë. Në atë kohë, shumë protestues u arrestuan, mes të cilëve dhe Navalni. Lideri opozitar ishte ndaluar shpeshherë kohëve të fundit për shkak të manifestimeve të paautorizuara. Navalni nuk u lejua të merrte pjesë në zgjedhjet presidenciale të fundit, për shkak të një dënimi të mëparshëm për përvetësim fondesh./abcnews.al
