10 shtetas janë arrestuar nga operacioni i zhvilluar një natë më parë te “Kodra e Diellit” në Tiranë, disa prej të cilëve të huaj. Lidhur me këtë aksion ka reaguar edhe SPAK, ndërsa në njoftimin zyrtar janë publikuar rezultatet nga aksioni dhe si edhe pamje nga brenda laboratorit të drogës.
Ndërkohë sqarohet se nga prova të sekuestruara janë;
Material të papërpunuar prej 48 tonësh (rreth 850 lëkurë gjedhi) ku dyshohet se fshihet lëndë narkotike, të importuara nga Amerika Latine në shtator dhe nëntor 2024;
6.1 kg lëndë narkotike e dyshuar si kokainë;
36,270 euro, 357,046 lekë të reja dhe 57 milionë peso kolumbiane (afërsisht 12, 200 euro);
89.5 kg përzierës të ngurtë dhe 50 kg solucion të lëngshëm për përgatitjen e kokainës;
Pajisje për ngritjen e laboratorëve, si presa, axheton, epruveta qelqi, preparate kimike, mikrovalë, qese paketimi, dhe llampa nxehtësie;
22 telefona celularë, 2 laptopë, 7 karta banke dhe 17 karta SIM;
3 automjete të markave të ndryshme dhe dokumente të tjera të rëndësishme.
