Detaje nga arrestimi i 29-vjeçarit, ishte në kërkim prej 5 muajsh, shkak i konfliktit dyshohen prishja e pazareve të drogës

Detaje të reja janë mësuar nga arrestimi i 29-vjeçarit Mario Nela.

ABC News mëson se Mario Nela ishte në arrati prej 5 muajsh, ndërkohë po për të njëjtën ngjarje janë në burg i ati dhe vëllai të cilët u arrestuan menjëherë pas plagosjes më 11 shtator 2024.

Ngjarja ndodhi në rrugën ‘Princ Vidi’ në Tiranë, kur 29-vjeçari qëlloi me armë kushëririn Ervin Nela.

Ky i fundit mbeti i plagosur me një plumb në këmbë. Konflikti mes kushërinjve dyshohet se ka ndodhur për shkak të prishjes së pazareve të drogës, pasi kishin jetuar një kohë të gjatë në Gjermani.

/abcnews.al/