Nesër luhet derbi i Manchesterit. United pret City në “Old Trafford”, takim që nis prej orës 18:30. Pep Guardiola ul presionin tek ekipi i tij në konferencën për shtypin, aty ku thekson se është vetëm ndeshja e radhës.
“Nuk është një ndeshje me eliminim direkt, në lojë janë vetëm 3 pikë. Sigurisht që derbi është një ndeshje shumë e rëndësishme, kjo edhe prej cilësisë së madhe që kanë kundërshtarët tanë.
Këtë periudhë do të luajmë shumë ndeshje, objektivi ynë është ti fitojmë të gjitha. Më vjen keq për mungesën e publikut, do të ishte bukur të luanim me tifozë“, deklaron Guardiola. /abcnews.al
