Ylli i Manchester City, Riyad Mahrez, me shumë gjasa do të largohet nga kampionët e Anglisë në rast se dënimi për këta të fundit për të mos luajtur në kompeticionet europiane, nuk hidhet poshtë.
Algjeriani dëshiron të luajë në Champions League dhe nëse dënimi për Cityn mbetet në fuqi, do të rikthehet në Francë, aty ku ka shfaqur interes ekipi i PSG-së. Kampionët e Francës i druhen një largimi të Kylian Mbappe drejt Real Madrid dhe Mahrez shihet si zëvendësuesi i talentit francez.
Me Manchester Cityn, Mahrez ka pasur shumë ulje-ngritje. Sezonin e parë te “Cityzens”, algjeriani përfundoi në stol, për shkak të formës së mirë të Sane dhe Sterling. Pas dëmtimit të Sane, Mahrez u shndërrua në titullar, por sërish kishte rivalitet të fortë të Bernardo Silvës. E ardhmja e tij, duket larg “Etihad Stadium”./abcnews.al
