Delegacioni rus ka mbërritur në Bjellorusi për raundin e dytë të bisedimeve me Ukrainën, tha kreu i delegacionit rus Vladimir Medinsky për Rusinë 24. Ai ka shtuar se delegacioni ukrainas është nisur nga Kievi dhe është rrugës për në Bjellorusi për bisedimet.
Ata pritet të mbërrijnë herët në mëngjes të enjten me orën locale.
“Shërbimet speciale bjelloruse sigurojnë plotësisht sigurinë në Bjellorusi dhe ushtria jonë [ruse] ka siguruar një kalim të sigurt për lëvizjen e tyre [delegacioni ukrainas] përmes Ukrainës,” tha Medinsky dhe vazhdoi të falënderojë Bjellorusinë për pritjen e dy delegacioneve.
Delegacionet nga Ukraina dhe Rusia për situatën në Ukrainë do të përfaqësohen nga të njëjtët anëtarë si gjatë raundit të parë, njoftoi agjencia shtetërore ruse e lajmeve RIA. /abcnews.al/
