Trajneri i Vllaznisë, Hysen Dedja, foli për Supersport pas fitores 0-1 kundër Luftëtarit. Në fjalën e tij, kreu i pankinës shkodrane tha: “Sot rezultati ishte i ngushtë 0-1, mund të shënonim më tepër, por në pozitat ku jemi, e rëndësishme është të marrim vetëm tre pikët.
Skuadra reagoi mirë në këto 90 minuta, që i kemi vuajtur më përpara. Përplasja me kundërshtarin, vrapimin në fushë dhe qarkullimin e topit. Kemi pasur pak rritje.
Mbijetesa? Nuk mund ta them me përqindje të saktë, varet si do ecë Bylisi. Shpresojmë që Ballshi të bëjë gabime, por më kryesorja është që ne të mos gabojmë më. Me këtë motiv jemi stërvitur dhe nuk na falet të gabojmë më.
Jam marrë shumë, sidomos në dy javët e para, dhe e shoh që futbollistët më përgjigjen me aq sa kanë mundësi. U demoralizova te kartoni i dytë i verdhë i Malotës, nuk mund ta përballojmë asnjë mungesë, jemi minus me lojtarë, pasi ata që janë blerë, janë larguar sepse i kanë mbaruar kontratat. Qyteti e vuan këtë situatë të Vllaznisë, tifozët e vuajnë edhe më shumë”, u shpreh Dedja../abcnews.al
