Loading ...
Dronët që fluturuan mbi Aeroportin e Aalborgut në veri të Danimarkës gjatë natës, si dhe mbi tri aeroporte më të vogla në vend, kishin për qëllim të ndillnin frikë, thanë zyrtarët danezë të enjten.
Zyrtarët thanë se nuk dihet ende se kush qëndronte pas këtyre incidenteve.
Ministri i Mbrojtjes, Troels Lund Poulsen, e quajti këtë “sulm hibrid” sepse fluturimet ndodhën brenda afërsisht të njëjtës periudhë kohore.
Ai shtoi se dukej se një “aktor profesional” qëndronte pas këtyre fluturimeve “sistematike”, pa dhënë hollësi të mëtejshme gjatë një konference për shtyp të enjten në mëngjes.
Autoritetet thanë se nuk ka rrezik për banorët.
Qëllimi i fluturimeve ishte të krijohej frikë dhe ndarje, tha të enjten ministri danez i Drejtësisë, Peter Hummelgaard, duke shtuar se vendi do të kërkojë mënyra shtesë për të neutralizuar dronët, përfshirë propozuar ligj për t’i lejuar pronarët e infrastrukturës t’i rrëzojnë ata.
