Koronavirusi shënon një tjetër viktimë në radhët e bluzave të bardha në vend. Mjeku gjinekolog Leonard Kamberi nga Vlora ka ndërruar jetë si pasojë e virusit.
Gazetari Elton Nika bën të ditur për abcnews.al se mjeku 50-vjeçar ishte i shtuar prej 2 javësh në spitalin Infektiv në Tiranë. Gjendja shëndetësore e tij është rënduar tre ditët e fundit dhe nuk mundi të fitojë betejën.
Leonard Kamberi ka punuar në Maternitetin e Vlorës. Aktualisht ai punonte si pedagog i jashtëm në Departamentin e Shëndetit Publik, të Universitetit të Vlorës. g.v/abcnews.al
