Covid-19 është “futur” në një tjetër spital në Tiranë. Burime për abcnews.al bëjnë të ditur se një infermier në spitalin e Traumës ka rezultuar pozitiv me COVID-19.
Infektimi i këtij të fundit ka krijuar shqetësim tek stafi dhe kanë kërkuar kryerjen e tamponëve.
Në 24 orët e fundit Ministria e Shëndetësisë konfirmoi 2 viktima nga COVID-19 dhe 45 raste të reja.
Javët e fundit situata nga koronavirusi në vend është përkeqësuar. Numri i ratave të reja është rritur dhe fatkeqësisht edhe i humbjeve në jetë.
Ndërkaq, situata është e rëndë në ambientet spitalore në QSUT, ku në disa pavione ka një numër të madh stafi mjekësor, të cilët janë infektuar.
Mjeku hematolog Arjan Pushi humbi jetën ditën e djeshme, ndërsa prej ditësh ishte në gjendje të rëndë të infektivi pasi u infektua në pavionin ku ai punonte. Vdekja e Pushit shënoi edhe viktimën e parë në vend nga Covid-19 tek bluzat e bardha. /abcnews.al
