Lulzim Basha shkoi mbrëmë për të takuar disa studentë në Qytetin Studenti, por prania e tij në njërën prej dhomave të konviktit ka shkaktuar mjaft debate.
Pak minuta pasi Basha kishte hyrë në dhomë duke folur me studentët aty ka ardhur sportelistja e konviktit duke i kërkuar llogari se përse kishte hyrë pa leje pasi sipas saj nuk lejohej të futej askush, qoftë edhe prindërit e studentëve.
Njëkohësisht kujdestarja i kërkoi llogari studentëve se përse e kishin futur Bashën në dhomë pa marrë leje paraprakisht.
Në debat e sipër, Basha i thotë që të mos ketë frikë pasi nuk do ta heqin nga puna “ata që i bëjnë presion” dhe se do të dilte për pesë minuta.
Pas këtij debati të filmuar, videon e të cilit e siguroi abcneës.al, Basha del nga dhoma dhe largohet por, kujdestarja ka shkuar për të bërë kallëzim për dhunë duke theksuar se është shtyrë dhe goditur nga badigardët e kryetarit të opozitës.
Pas kësaj ngjarjeje bashkia paditi Bashën, ndërsa kryeopozitari theksoi se askush nuk mund ta ndalonte që të takonte studentët.
Pjesë nga debati:
Sportelistja: Më falni! Më shumë respekt, por po më prishni shumë punë. Po më marrin të gjiuthë telefon.
Basha: Po përse poi të prishim punë?
Sportelistja: Nuk lejohet të futeni këtu. Ti (i drejtohet kameramanit) të lutëm mos filmo. Po bën shumë gabim që filmon.
Basha: Për pesë minuta do t’i marr në kafe do dal jashtë.
Sportelistja: Mirë, çohuni ju çuna dilni jashtë.
Basha: Për pesë minuta do dal jashtë. Mos bëj skandal. Qetësohu.
Sportelistja: Nuk po bëj skandal fare, po më prishni shumë punë.
Ndiqni videon e plotë:
