Izraeli do të kishte nevojë për mbështetje të konsiderueshme nga aleatët e tij perëndimorë për të hyrë në një luftë të shkallës së plotë në Lindjen e Mesme,” tha Maha Yahya, drejtoreshë e institucionit kërkimor të Qendrës së Lindjes së Mesme Carnegie.
“Izraeli nuk ka kapacitetin për një luftë afatgjatë të gjithanshme pa mbështetje të jashtme.
Do të kërkonte një angazhim nga Shtetet e Bashkuara që do të vazhdonte të siguronte armë. Izraeli mbështetet në Shtetet e Bashkuara dhe fuqitë e tjera perëndimore në fronte të ndryshme ushtarake”, tha ajo për CNN.
Thirrjet nga aleatët perëndimorë të Izraelit për përmbajtje pas sulmit të Iranit të shtunën e kaluar ka të ngjarë të luajë një rol të madh në llogaritë e zyrtarëve izraelitë se sa me forcë duhet të përgjigjen.
“Ishte e qartë se kishte një presion të madh ndërkombëtar ndaj Izraelit për të mos përshkallëzuar gjërat më tej,”theksoi ajo.
SHBA, Britania e Madhe dhe Franca ndihmuan Izraelin të kapte raketat dhe dronët iranianë gjatë sulmit të së shtunës së kaluar.
Ushtria izraelite njoftoi se “99% e raketave të lëshuara nga Irani u kapën nga Izraeli dhe partnerët e tij, me vetëm një ‘numër të vogël’ raketash balistike që arritën në Izrael”.
Zyrtarët izraelitë, duke folur në kushte anonimiteti, thanë se sulmi me raketa izraelite gjatë natës ndaj Iranit ishte në hakmarrje për sulmin iranian të së shtunës së kaluar.
“Sy për sy dhe dhëmb për dhëmb”, theksuan ata.
/abcnews.al
