“Championship është më e fortë”, Mourinho thumba ligave të mëdha

schedule17:37 - 25 Nëntor, 2020

schedule 17:37 - 25 Nëntor, 2020

Futbolli anglez gjatë viteve të fundit është duke lulëzuar më shumë se të gjithë të tjerët. Dobësimi i Barcelonës dhe Real Madrid i ka shkuar për shtat Premier League, e cila për momentin mund të thuhet lehtë se është Liga më e fortë ne botë.

Por jo vetëm kaq sepse edhe Championship, liga e dytë për nga rëndësia në ishull, është një kampionat shumë i bukur, i fortë dhe i ndjekur. Tifozët e zjarrtë, talentet e shumtë dhe paratë e fituara prej të drejtave televizive e shndërron atë në një ligë mjaft interesante, e cila fiton vëmendje edhe jashtë kufijve anglezë.

Në lidhje me të së fundmi ka folur trajneri i Tottenham, Jose Mourinho. Portugezi shprehet se Championship është kampionat i një niveli të lartë tashme dhe e konsideron më të fortë se disa liga kryesore të vendeve të tjera.

“Championship tani është një kompeticion i nivelit të lartë, nuk është më e mira në Europë si Premier League, por është shumë më e mirë se ligat kryesore të shumë vendeve”, u shpreh Mourinho, të cilit shumëkush mund t’i japë të drejtë në lidhje me këtë. /abcnews.al