Një lëndë e rrezikshme e njohur si “amiant” u bllokua dje në portin e Vlorës në një traget të mbërritur nga Italia.
Në një lidhje direkte nga Vlora për “Abc-ja e mëngjesit”, gazetari Elton Nika tha se një grup ekspertësh kanë shkuar sot pranë tragetit për të kryer verifikimet e nevojshme.
Do të jenë hetimet ato të cilat do të hedhin dritë për rrezikshmërinë e kësaj lënde si dhe sasinë e bllokuar. Është një hetim që pritet të vijojë gjatë.
Po ashtu ka dyshime se kjo mund të mos jetë hera e parë që të vinë mbetje të tilla nga Italia.
Ndërkaqë, 6 persona si të dyshuar të lidhur për këtë ngjarje vijojnë të jenë të ndaluar. Amianti i sekuestruar këtë të enjtje në Vlorë do të përdorej për ndërtime, por cilësohet mjaft i rrezikshëm. Ai përdoret për izolim termik apo në taracë por është i ndaluar përdorimi i tij në Itali dhe në vendet e BE-së. /abcnews.al
