Më datën 19 shtator Capital T do të mbajë koncertin e parë recital, i cili do të titullohet “Time Capsule”. Në një konferencë për shtyp ai i ka premtuar publikut një event të jashtëzakonshme që do të mbetet gjatë në memorien e të gjithëve.
Këngët e Capital T prej vitesh janë shndërruar në hite. Publiku kryeqytetas do të ketë mundësi të shijojë koncertin e pare recital në Tiranë mbrëmjen e 19 shtatorit. Ai shpjegon edhe arsyet pse zgjodhi Tiranën dhe jo Prishtinën.
Detaji i veçantë në “Time Capsule” do të jenë byzylykët në dorë me drita shumëngjyrëshe, zbulon këngëtari.
Për këtë recital ai ka punuar gjatë plot 6 muaj madje ka qëndruar larg koncerteve në klube të ndyshme, pasi i është dedikuar realizimit me çdo detaj të recitalit të tij të parë, ku ai do të interpretojë këngët më të njohura ndër vite.
Në koncertin e Capital T do të marrin pjesë edhe emra të njohur të muzikës, por emrat e tyre do të mbeten surprizë deri në mbrëmjen e madhe të 19 shtatorit. /ABC News Albania 24/7
