Capello: Atalanta “mbaroi” që kur u fut Mbappe në lojë

schedule23:25 - 12 Gusht, 2020

schedule 23:25 - 12 Gusht, 2020

Fabio Capello, pjesë Sky Sport si specialist futbolli, foli për ndeshjen që Atalanta e humbi kundër PSG. Stoli i francezëve bëri diferencën, ky është mendimi i trajnerit të njohur italian.

Ai thekson që në momentin që Kylian Mbappe (60’) u hodh në fushë, gjithçka u mbyll. “Cilësia e lojtarëve që u hodhën në fushë bëri diferencën, pasi ata të PSG ishin superiorë.

Neymar bëri diferencën pjesën e parë, kurse me futjen e Mbappe gjithçka mori fund. PSG luajti me besim dhe ishte superiore. Para se të barazonin, ata kishin raste.

Me ndryshimet e bëra, Atalanta nuk ruajti të njëjtin ritëm loje”, u shpreh Capello, në studio pas takimit Atalanta-PSG, që u mbyll me rezultatin 1-2. /abcnews.al