Skuadra e Vllaznisë do të presë Laçin në javën e 10-të të kampionatit. Një përballje interesante mes dy skuadrave të cilat i ndanë vetëm një pikë në tabelën e klasifikimit dhe ekipet do kërkojnë fitoren për vendin e tretë kundër një rivali direkt për Europën.
Para kësaj sfidë për Vllazninë ka lajme të mira dhe trajneri Thomas Brdaric mund të buzëqesh, teksa një lojtar i skuadrës ka lënë prapa krahëve dëmtimin dhe është kthyer të jetë pjesë e skuadrës për këtë ndeshje. Në këtë mënyrë Brdaric do të ketë grupin e plotë të lojtarëve dhe mundësi zgjedhje.
Bëhet fjalë për Fahrudin Djurdjeric i cili është rikuperuar dhe është gati për të zbritur në fushën e lojës në duelin me kurbinasit që do të luhet ditën e shtunë në orën 19:45. /f.a/abcnews.al
