Prokuroria e rrethit gjyqësor të Korçës ka nisur procedimin penal për 3 punonjës të Komisariatit të Korçës.
Shkak dyshohet se është bërë një video në Tik Tok ku bullizohej një shtetas në kohë pandemie, i cili ishte shoqëruar në automjetin e policisë për masat kundër Covid-19.
Burime për Abc bëjnë me dije se policët e kanë shoqëruar për mungesën e maskës, dhe më pas e akuzonin për vjedhje të riun.
Policët i kanë thënë se ka vjedhur gjithë Korçën dhe është numri 1 që kërkohet për vjedhje.
Gjithë biseda e regjistruar më pamje, është publikuar pas më tepër se 2 vitesh në rrjete sociale.
Sipas burimeve mësohet se i riu ka bërë kallëzim pranë AMP dhe ditën e sotme ka filluar edhe procedimi penal ndaj policëve.
Pritet njoftimi zyrtar nga ana e AMP dhe Prokurorisë së Korçës./abcnews.al/
