Është konfirmuar nga Chelsea se Bruno Saltor është emëruar trajner i përkohshëm pas shkarkimit të Graham Potter nga blutë.
Më pas u raportua se tekniku spanjoll do të jetë në krye të Chelsea për ndeshjen me Liverpoolin, pasi blutë janë në kërkim të një trajneri të ri të përhershëm.
Shanset janë që kjo është hera e parë që dëgjoni emrin e Bruno Saltor. Dikur një mbrojtës i djathtë, spanjolli është një legjendë e Brighton. Ai iu bashkua atyre si lojtar në vitin 2012, duke qenë kapiten i Pulëbardhave drejt promovimit në Premier League dhe mbijetesës në sezonin e tyre të parë.
Ai doli në pension në 2019 pasi kaloi shtatë vjet te Brighton dhe ishte ndihmës i Graham Potter.
Në shtator 2022, ai ndoqi Potterin te Chelsea dhe iu bashkua Bluve si ndihmës trajner. Ndeshja me Liverpool do të jetë hera e parë që spanjolli merr drejtimin e një ekipi. /G.D abcnews.al/
Burimi: Chelsea FC, Wikipedia
