Hollywood Hill është një nga lagjet më të famshme në botë, pasi shumë yje të Hollyëood-it janë rezidentë të shtëpive dhe pronarë të pronave në të.
Edhe 30-vjeçarja me prejardhje shqiptare, Bebe Rexha, posedon një shtëpi piktoreske në këtë lagje të Kalifornisë.
Ylli i muzikës e ka blerë këtë shtëpi në vitin 2018. Shtëpia është blerë kundrejt 2 milion dollarëve.
Ajo është një vilë e dizajnuar nga specialistët më të mirë të fushës, me një ndjenjë të rivierës fraceze e italiane.
Vetëm pamja nga jashtë mjafton që t’i bëjë të ftuarit të ndihen si në një pushim A-class.
Oborri i ka të gjitha, me pamjen nga kodrat dhe pishinën luksoze.
Ndërsa brenda, vizitorët mund të kalojnë kohën në dhomën e ndejës, e cila ka një kaminë gjigande dhe hapësirë të dekoruar në mure.
Ndërsa dhomën e gjumit duhet ta shihni patjetër!
Ajo duket si një vend ku do të dëshironit të kaloni gjithë ditën, me hapësirën e madhe dhe dekorin fantastik.
Banjot me të gjitha sistemet e nevojshme për relaksim dhe dysheme me nxehje, këngëtarja i ka të gjitha për të pushuar pas një dite të gjatë.
Shtëpia gjithashtu ka një kuzhinë të rehatshme të bardhë dhe dy dhoma gjumi për mysafirë.
Kjo shtëpi e Bebe Rexhës sigurisht se është shtëpi e ëndrrave për të gjithë!
