Zëvendëskryeministri i Kosovës, Besnik Bislimi deklaroi se kërkesat për themelimin e Asociacionit të komunave me shumicë serbe nuk kanë për qëllim integrimin e serbëve lokalë.
Përmes një postimi në rrjetet sociale, Bislimi u shpreh se synimi është të vendoset një “Kalë i Trojës” në Kosovë.
Sipas Bislimit, themelimi i Asociacionit nuk është objektiv në vetvete, por përkundrazi përfaqëson një hap të rëndësishëm drejt qëllimit kryesor të një “bote serbe” që përkon me territorin e ish-Jugosllavisë.
“Plani fillestar i Asociacionit është i parëndësishëm, pasi kompetencat e tij do të evoluojnë dhe do të shfrytëzohen për shkak të mbështetjes financiare të Beogradit si dhe mungesës relative të mbikëqyrjes nga Qeveria e Kosovës. Këto kompetenca do të çojnë përfundimisht në një Republika Srpska të re me qëllimin e ndarjes territoriale. Kjo pastaj do ta detyrojë komunitetin ndërkombëtar të njohë ekzistencën e dy entiteteve kombëtare në Kosovë dhe autonominë absolute në zonat e Asociacionit.
Kosova ka paralajmëruar vazhdimisht komunitetin ndërkombëtar për arsyet e vërteta pse Serbia insiston në formimin e Asociacionit të komunave me shumicë serbe. Asociacioni nuk kishte për qëllim asnjëherë të integronte serbët vendas në Kosovë, por të jetë si ‘Kali i Trojës’ së Beogradit për ta bërë vendin jofunksional, duke përgatitur kështu rrugën për ndarje”, shkroi ndër të tjera ai në Twitter.
c. ASMM’s initial design is irrelevant, as its competencies will evolve & be exploited due to Belgrade’s financial support & the Kosova Govt’s relative lack of oversight. 6/10
— Besnik Bislimi (@BislimiBesnik) June 8, 2023
