Loading ...
Tensioni midis Greqisë dhe Turqisë ishte rasti që Presidenti i SHBA Donald Trump të kontaktojë me Kyriakos Mitsotakis dhe Rexhep Tajip Erdogan.
Thirrja telefonike me Kryeministrin Grek u bë me një shkallë sigurie shumë të lartë dhe kjo u pa nga pajisja telefonike e përdorur nga Kyriakos Mitsotakis.
Siç shihet në fotot e publikuara, celularët mbanin në anën e pasme stemën e SH.B.A-së, e cila shkruante: “Vëmendje, Pronë e Qeverisë së SHBA”.
Thuhet se telefoni ishte vendosur në dispozicion nga ambasada amerikane, për të siguruar konfidencialitetin e bisedës mes Trump dhe Mitsotakis raporton abcnews.al.
Por çfarë diskutuan të dy udhëheqësit?
Kryeministri Grek ngriti shqetësimin për çështjen e veprimeve destabilizuese të Turqisë , të cilat rrezikojnë paqen dhe stabilitetin në rajonin e gjerë dhe testojnë kohezionin e NATO-s.
Mitsotakis theksoi se Greqia është e gatshme të kontribuojë në mënyrë thelbësore në de-përshkallëzimin, me kusht që Turqia të ndalojë menjëherë veprimet e saj provokuese.
Ndërkohë në një njoftim të Shtëpisë së Bardhë, Presidenti amerikan Donald Trump, gjatë bisedës telefonike me Kryeministrin Grek, shprehu shqetësimin e Uashingtonit për tensionet e përshkallëzuara mes Greqisë dhe Turqisë, dy aleatët e NATO-s, në Mesdheun Lindor.
“Presidenti Trump ka ripohuar se Greqia dhe Turqia duhet të përfshihen në dialog, si e vetmja mënyrë për të zgjidhur dallimet e tyre”, tha Shtëpia e Bardhë.
Në këtë deklaratë thuhet se të dy udhëheqësit diskutuan çështje të rëndësishme bilaterale dhe rajonale./abcnews.al
