Bill Gates: Vaksina e Covid-19 të përdoret për njerëzit që kanë nevojë, jo për atë që ofron para

schedule13:28 - 11 Korrik, 2020

schedule 13:28 - 11 Korrik, 2020

Filantropisti Bill Gates bëri thirrje që ilaçet dhe vaksina kundër Covid-19 duhet të vihet në dispozicion të vendeve dhe njerëzve që  kanë më së shumti nevojë, jo për atë që ofron më shumë para. shkruan Reuters.

“Nëse do të lejojmë që ilaçet dhe vaksinat të blihen nga ata që kanë para, në vend që të shpërndahen te njerëzit dhe vendet ku është më e nevojshme do të kemi një pandemi  që do të zgjasë, do të jetë padrejtë, dhe më vdekjeprurëse,” tha Gates.

“Ne kemi nevojë për udhëheqës të drejtë  që të marri vendime të vështira për shpërndarjen e vaksinës  bazuar në kapitalin e tyre.”

Komisioni Europian dhe Organizata Botërore e Shëndetësisë  kanë paralajmëruar për  një ‘konkurs” jo të ndershëm në shpërndarjen e vaksinave, ndërsa disa zyrtarë në Uashington kanë treguar që ata do t’i jepnin përparësi banorëve të SHBA.

Gates tha se përpjekjet e filluara dy dekada më parë për të luftuar krizën globale të HIV / AIDS , në të cilët u bashkuan të gjitha vendet e botës përfshirë dhe Afrikën, mund të shërbejnë si një model  në mënyrë që ilaçet COVID-19 të jenë gjerësisht të arritshme.

Si shembuj ai tregoi Fondin Global të krijuar në 2002 për të luftuar SIDA-n, tuberkulozin dhe malarian dhe planin e urgjencës së presidentit amerikan për të shpërndarë ilaçe te njerëzit që luftojnë me disa nga sëmundjet më vdekjeprurëse në botë.

“Një nga mësimet më të mira në luftën kundër HIV / AIDS është rëndësia e ndërtimit të këtij sistemi të madh, të ndershëm global për shpërndarjen e ilaçeve për të gjithë,” tha Gates./abcnews.al