Bashkëthemeluesi i Microsoft Bill Gtes do të financojë zhvillimin e 7 vaksinave të ndryshme për të luftuar koronavirusin edhe nëse ato do të kushtojnë miliarda dollarë.
Ai zbuloi investimin e tij gjigant në shfaqjen The Daily Show, pasi iu përgjigj disa pyetjeve rreth virusit.
Bill Gates është shprehur: “E vetmja gjë që do të na lejonte të ktheheshim në normalitet dhe të ndiheshim mirë edhe kur të jemi ulur në stadium me shumë njerëz pranë, është një vaksinë. Jo vetëm për vendin tonë, por për gjithë botën.”
Rikujtojmë se fondacioni Bill & Melinda Gates, ka kontribuar miliona dollarë në përpjekjet e kërkimit dhe zhvillimit të një vaksinë kundër COVID-19 .
Gates gjithashtu përkrahu edhe rëndësinë e masave për distancimin shoqëror në trajtimin e pandemisë COVID-19, të cilën ai e quajti si një “skenar makthi”. Ai madje bëri thirrje që SH.B.A. të vendosë masa bllokimi në mbarë vendin në një përpjekje për të rrafshuar edhe më shumë kurbën./abcnews.al
