24,620 palestinezë janë vrarë dhe 61,830 janë plagosur nga sulmet izraelite në Gaza që nga 7 tetori, tha ministria e shëndetësisë së Gazës në një deklaratë të enjten.
Ministria, e cila drejtohet nga Hamasi, tha se 172 palestinezë u vranë dhe 326 u plagosën në 24 orët e fundit. Më herët sot ushtria izraelite pretendoi në një deklaratë se kishte vrarë “afërsisht 60 terroristë” gjatë operacionit të saj tokësor.
Përveç kësaj, të paktën 350 palestinezë, përfshirë 95 fëmijë, janë vrarë në Bregun Perëndimor të pushtuar nga Izraeli që nga 7 tetori nga forcat izraelite të sigurisë ose kolonët izraelitë dhe rreth 4,000 janë plagosur.
Izraeli gjithashtu vlerësohet të ketë arrestuar 6000 palestinezë në Bregun Perëndimor. Fushata e Izraelit erdhi pas sulmit të befasishëm në jug të Izraelit nga Hamasi më 7 tetor. Gjatë sulmit u vranë rreth 1200 njerëz dhe mbi 8500 u plagosën.
Rreth 240 u morën peng dhe u dërguan në Gaza. Rreth 85% e popullsisë së Gazës është zhvendosur si pasojë e bombardimeve të vazhdueshme të Izraelit.
/abcnews.al
