Dy persona u arrestuan dhe një tjetër u shpall në kërkim pasi vodhën një furgon në Lezhë. Ngjarja ndodhi mëngjesin e kësaj të marteje në fshatin Ishull-Lezhë. Ishte pronari i mjetit, i cili njoftoi uniformat blu. Ai tregoi se hajdutët ishin larguar sëbashku me mjetin.
Për një kohë të shkurtër, policia bëri të mundur identifikimin dhe arrestimin në flagrancë të dy prej autorëve. Ata janë 41-vjeçari A.M. dhe E.P. 32 vjeç. Ndërkohë 25-vjeçari R.K nga Kurbini arriti të arratisej. I riu u shpall në kërkim dhe mësohet se është një person me precedentë penal në fushën e vjedhjeve./abcnews.al
