Kryetari i bashkisë së Dnipro, një qytet strategjik në Ukrainën lindore, falenderoi Biden për ndihmën e miratuar për furnzimin me armë por theksoi se është shumë “vonë”, sipas skynews.
Duke i bërë jehonë fjalëve të presidentit të Ukrainës Zelensky, i cili ka bërë thirrje në mënyrë të vazhdueshme për armë, Borys Filatov falënderoi vendet perëndimore për ndihmën e tyre, por tha se do të duhen javë derisa armët të mbërrijnë në vend.
Kryebashkiaku tha se qyteti ka qenë nën sulmin e vazhdueshëm të forcave ruse.
Të mërkurën, Presidenti Biden njoftoi miratimin e një paketë të re armësh dhe municionesh me vlerë 800 milionë dollarë, duke përfshirë 17 helikopterë, 300 dronë, 500 raketa dhe 200 automjete të blinduara.
Ngarkesa e fundit e armëve amerikane, e miratuar nga Biden më 16 mars, mbërriti në lindje të vendit gjatë kësaj jave.
/abcnews.al
