Ylli i muzikës pop Beyoncé është bashkuar me nënën e saj, Tina Knowles Lawson, për të mbështetur një iniciativë për testimin në masë në qytetin e tyre të lindjes në Houston, Texas.
Ato do të sigurojnë gjithashtu maska falas, doreza dhe 1000 teste falas “të administruara në kushte të sigurta”, sipas një deklarate.
“Virusi po shkatërron komunitetin afro-amerikan, kështu që ne kemi nevojë për një iniciativë të tillë për t’i dhënë përparësi shëndetit tonë,” tha zonja Knowles Lawson.
Të dhënat nga Qendrat Amerikane për Kontrollin dhe Parandalimin e Sëmundjeve tregojnë se 33% e njerëzve që janë dërguar në spital me virus janë afro-amerikanë, por vetëm 13% e popullsisë amerikane është afro-amerikane.
“Testimi është thelbësor sepse ndihmon në gjetjen e pikave të nxehta dhe shpëton jetë,” tha Kongresmenja lokale e Kongresit Sheila Jackson-Lee në deklaratë. “Texas ka një shkallë testimi shumë të ulët COVID-19, e dyta më e ulët në vend.”/abcnews.al
